దీపికా పదుకొణె పెళ్లికూతురిగా తెరపై , నిజ జీవితంలో ఎలా మెప్పించిందో తెలుసా?

దీపికా పదుకొణె, రణ్ వీర్ సింగ్ వివాహ స్పెషల్

దీపిక-రణ్ వీర్ లు ఇద్దరూ ఇటీవలే పెళ్లితో ఒకింటివారయ్యారు. పెళ్లికూతురిగా దీపిక అదరహో అనిపించింది. నిజ జీవితంలో మాత్రమే కాదు తెరపై కూడా వధువుగా.. ప్రేక్షకులను మెప్పించింది దీపిక. వీరి వివాహానికి సంబంధించిన ఫొటోలు సైతం నెట్లో హల్ చల్ చేస్తున్నాయి. 

ఆ ఫోటోలలో దీపిక అందంతో పాటు ఆమె వస్త్రధారణ సైతం అందరినీ మెప్పిస్తోంది. ఈ క్రమంలో గతంలో బాలీవుడ్ తెరపై దీపిక.. వధువుగా ఎలాంటి వేషధారణల్లో కనిపించిందో మనం కూడా చూద్దాం. 

పద్మావత్ :

రాణీ పద్మినీ దేవిగా ఈ సినిమాలో సినీ ప్రియులను అలరించిన దీపిక తన కాస్ట్యూమ్స్ తో ఫ్యాషన్ ప్రియులను సైతంమెప్పించింది. రణవీర్ తో కొంకిణీ పద్ధతిలో జరిగిన వివాహ వేడుకల్లో ఆమె ఇదే తరహా దుస్తులను ధరించింది. 

ఫైండింగ్ ఫానీ:

ఈ సినిమాలో క్యాథలిక్ వధువుగా చాలా సింపుల్ మేకప్ లో అందంగా మెరిసిపోయింది దీపిక. ఈ వస్త్రధారణలో తెల్లని వస్త్రాల్లో దేవకన్య కిందికి దిగి వచ్చినట్టుగా అనిపిస్తోంది కదూ..

చెన్నై ఎక్స్ ప్రెస్:

చెన్నై యాసలో హిందీ మాట్లాడుతూ మీనలోచని అళగ సుందరంగా ఈ సినిమాలో దీపిక కనబరిచిన నటన అద్భుతమే. ఈ సినిమాలో ఆమె దక్షిణాది పెళ్లికూతురిగా కనిపించింది. చాలా సింపుల్ మేకప్ లోనే ఎంతో అందంగా కూడా కనిపిస్తోంది కదా..

లవ్ ఆజ్ కల్:

దీపిక చాలా సందర్భాల్లో స్మోకీ ఐ మేకప్ లుక్ లో కనిపించింది. కానీ ఈ సినిమాలో దానికి భిన్నంగా మెటాలిక్ లావెండర్ షేడ్ ఉపయోగించింది. లేత రంగులోని లిప్ స్టిక్ దీపికకు అదనపు ఆకర్షణను చేకూర్చింది.