ఈసారి ఎవ‌రైనా బ‌రువు పెరిగావ‌ని చెబితే.. వారికి ధీటుగా బ‌దులివ్వండిలా..!

ప్ర‌తి అమ్మాయి త‌నకి తాను ఎంతో ప్ర‌త్యేకం. స‌న్న‌గా ఉన్నా.. లేక‌ లావుగా (Fat) ఉన్నా.. ప్ర‌తిఒక్క‌రూ అందంగానే ఉంటారు. అందుకే ప్ర‌తిఒక్క‌రూ గుర్తుంచుకోవాల్సిన విష‌యం ఏంటంటే.. మ‌నం దేవుడు సృష్టించిన ఒక‌ అద్భుతం. అందుకే ఎవ‌రు మ‌న‌ల్ని ఇష్ట‌ప‌డినా.. లేక‌పోయినా.. మ‌న‌ల్ని మ‌నం ప్రేమించుకోవాలి. అంతేకాదు.. మీరంటే ఏంటో చెప్పేది మీ వ్య‌క్తిత్వం, మీ ఆలోచ‌న‌లే కానీ మీ బ‌రువు (weight) మాత్రం కాద‌ని తెలుసుకోవాల్సి ఉంటుంది. అయితే జీవిత‌మంటే కేవ‌లం లావు, స‌న్నం మాత్ర‌మే కాదు.. మీరెలా ఉన్నా మంచిదే.. కానీ ఆరోగ్యంగా ఉండేలా చూసుకోవడం మాత్రం మ‌ర్చిపోవ‌ద్దు.

కానీ మ‌నం ఎంత మంచివాళ్ల‌మైనా స‌రే.. కొంత‌మంది మ‌న లుక్స్‌ని బ‌ట్టి మాత్ర‌మే మ‌న‌ల్ని జ‌డ్జ్ చేస్తుంటారు. ఇలాంటి ప‌రిస్థితిని త‌ట్టుకోవ‌డం ఎవ‌రికైనా కాస్త ఇబ్బందే. కానీ అలాంటి ఇబ్బందిక‌ర‌మైన ప‌రిస్థితిని ఎదుర్కొని మీపై కామెంట్లు చేసే వారికి తిరిగి నోరుమూయించే స‌మాధానం చెప్ప‌డం చాలా అవ‌స‌రం. మిమ్మ‌ల్ని మీరు ఆరోగ్య‌క‌రంగా మార్చుకోవ‌డానికి ప్ర‌య‌త్నిస్తూనే ఇలా కామెంట్లు చేసే వారికి స‌మాధానం ఇచ్చేందుకు ఈ డైలాగ్స్‌ని ఓసారి ప‌రిశీలించండి.

1. నువ్వు చాలా లావుగా ఉన్నావు..

స‌మాధానం – అవును. మా అమ్మానాన్న న‌న్ను చాలా బాగా చూసుకుంటున్నారు. అందుకే నీతో డేటింగ్ చేయాల‌నుకోవ‌ట్లేదు. ( మీ బ‌రువు గురించి కామెంట్ చేసే వ్య‌క్తితో అస్స‌లు డేటింగ్ చేయ‌కండి.)