(Megastar Chiranjeevi starrer ‘Sye Raa Trailer’ Talk)
మెగాస్టార్ చిరంజీవి నటించిన ‘సైరా’ చిత్ర లేటెస్ట్ విశేషాల కోసం ఎన్నో రోజులుగా ఎదురుచూస్తున్న అభిమానుల దాహార్తిని తీరుస్తూ.. కొద్ది క్షణాల క్రితమే ‘సైరా’ సినిమా అధికారిక ట్రైలర్ విడుదలైంది. మరి ఈ ట్రైలర్ ఎలా ఉంది? సైరా ట్రైలర్లో చిరంజీవి ఎలా కనిపిస్తున్నాడు? ఇందులో మెగా అభిమానులు కోరుకున్న అంశాలు ఉన్నాయా..? లేదా..? మొదలైన విషయాలను మనమూ తెలుసుకుందాం..!
ముందుగా ‘సైరా ట్రైలర్’ చూడండి
భారత జాతికి జై… అంటూ మొదలైన ఈ సైరా ట్రైలర్లో ఆసక్తికర అంశాలు ఏంటంటే …
* నీటిలో తపస్సు
నీరు ప్రవహిస్తుండగా.. శివుని విగ్రహం ముంగిట కూర్చుని.. హీరో తపస్సు చేసుకుంటున్న సన్నివేశం ఈ ట్రైలర్ మొత్తానికే హైలైట్ అని చెప్పుకోవచ్చు. అలాగే ఈ సన్నివేశం కోసం ముంబైలోని ఓ భారీ స్విమ్మింగ్ పూల్‌లో షూటింగ్ చేయడం జరిగిందట. అలాగే అండర్ వాటర్ సీక్వెన్స్ కోసం.. ప్రత్యేకంగా తయారుచేసిన కెమెరాల సహాయంతో చిత్రీకరణ చేశారట. ఈ సీక్వెన్స్ ఈ సినిమాకే హైలైట్‌గా మారింది.
* చిరంజీవి పలికే సంభాషణలు
సాయి మాధవ్ బుఱ్ఱా రాసిన పవర్ ఫుల్ డైలాగ్స్.. ఈ సినిమాకే హైలైట్ అని చెప్పచ్చు. ముఖ్యంగా ‘ఎందుకు కట్టాలిరా శిస్తు..’ అనే డైలాగ్ థియేటర్స్‌లో అభిమానుల చేత విజిల్స్ వేయించడం పక్కా అని చెప్పచ్చు.
మెగాస్టార్ చిరంజీవి “సైరా నరసింహా రెడ్డి” మేకింగ్ వీడియోలో.. హైలైట్స్ ఇవే..!
* పోరాట సన్నివేశాలు
ఆరు పదుల వయసులో కూడా చిరంజీవి పోరాట సన్నివేశాల్లో.. ఎంతో సునాయాసంగా నటించగలిగారు. ప్రధానంగా యుద్ధ సన్నివేశాల్లో ఆయన శరీర కదలికలు అమోఘమనే చెప్పాలి. ఇక హాలీవుడ్ స్టంట్ మాస్టర్స్ – గ్రెగ్ పావెల్, లీ విటేకర్‌లు.. అలాగే మన ప్రఖ్యాత యాక్షన్ డైరెక్టర్స్ రామ్ – లక్ష్మణ్‌లు మెగాస్టార్ చిరంజీవితో చేయించిన స్టంట్స్ కచ్చితంగా ప్రేక్షకులని ఆకట్టుకుంటాయి.
* భారీ తారాగణం
ఈ ట్రైలర్లో మరో ప్రధాన ఆకర్షణ – భారీ తారాగణం. అమితాబ్ బచ్చన్, కిచ్చా సుదీప, విజయ్ సేతుపతి, జగపతి బాబు, నయనతార, తమన్నా, నిహారిక కొణిదెల. ఇలా దాదాపు సినిమాలోని అన్ని ప్రధాన పాత్రల్లో ప్రముఖ నటులు నటించేసరికి.. ఈ చిత్రానికి తెలియకుండానే ఒక భారీ ఇమేజ్ వచ్చేసింది. పైగా పవన్ కళ్యాణ్ వాయిస్ ఓవర్ కూడా ఈ సినిమాకి మరొక ప్రధాన ఆకర్షణ.
* భారీ సెట్స్
ఇక అప్పటి కాలపు సన్నివేశాలు తీయడానికి ఈ భారీ సెట్స్ వేయడం జరిగింది. అలాగే యుద్ధ సన్నివేశాలు.. కోటల నిర్మాణం లాంటి అంశాలపై దర్శకుడు ప్రత్యేక శ్రద్ధ పెట్టినట్లు కూడా అవగతమవుతోంది. రాజీవన్ అందించిన ప్రొడక్షన్ డిజైన్స్.. ఈ చిత్రానికి మరొక హైలైట్ అని చెప్పొచ్చు.
* వందలమందితో సన్నివేశాలు
ఇక ఈ ట్రైలర్‌ని మనం చూస్తే, వందలమందితో చిత్రీకరించిన పాటలు, సన్నివేశాలు సినిమా రేంజ్‌ని మరింత పెంచాయి. ఈ మెగా సినిమా కోసం భారీ తారాగణంతో పాటుగా.. వందలమంది జూనియర్ ఆర్టిస్టులతో చిత్రీకరించిన సన్నివేశాలు అద్భుతంగా ఉండబోతున్నాయట.
* కోర్టు సన్నివేశం
ఇక ట్రైలర్ చివరలో మనకి కనిపించే కోర్టు సన్నివేశం ఆసక్తికరంగా సాగింది. ఆ సన్నివేశంలో చిరంజీవి నటన అద్భుతంగా ఉండబోతుంది అని మాత్రం చెప్పవచ్చు.
మెగా పవర్‌స్టార్ రామ్‌చరణ్ – మెగా బిజినెస్ ఉమన్ ఉపాసనల.. ప్రేమ బంధం గురించి తెలుసుకుందామా?
ఇవి కాకుండా మెగాస్టార్ ఈ ట్రైలర్లో పలికిన కొన్ని సంభాషణలు –
* స్వేచ్ఛ కోసం ప్రజలు చేస్తున్న తిరుగుబాటు
* నా భరతమాత గడ్డ పై నిలబడి హెచ్చరిస్తున్నా… నా దేశం వదిలి వెళ్లిపోండి … లేదా యుద్ధమే!!
* చివరి కొోరిక ఏమైనా ఉంటే టెల్ మీ నౌ – ‘గెటౌట్ ఫ్రమ్ మై మదర్ ల్యాండ్’
ఈ ట్రైలర్ చూసాక నిర్మాతగా రామ్ చరణ్.. దర్శకుడిగా సురేందర్ రెడ్డి తమ శక్తిమేర ఈ సినిమా కోసం పనిచేసినట్టుగా అర్ధమవుతుంది. అలాగే ఈ చిత్రం వచ్చే నెల 2 తేదిన ప్రపంచవ్యాప్తంగా విడుదలై.. మెగా అభిమానులలో సంతోషాన్ని నింపుతుందని కూడా చెప్పుకోవచ్చు.
‘అల్లు అర్జున్ – స్నేహ రెడ్డిల’ ప్రేమకథ.. సినిమా కథని మరిపించేలా ఉంటుంది తెలుసా…!
