ADVERTISEMENT
home / లైఫ్ స్టైల్
హైదరాబాద్ కీర్తిని జగద్విఖ్యాతం చేసే.. పతంగుల పండగ & మిఠాయిల వేడుక..!

హైదరాబాద్ కీర్తిని జగద్విఖ్యాతం చేసే.. పతంగుల పండగ & మిఠాయిల వేడుక..!

సంక్రాంతి అనగానే మనకి గుర్తొచ్చేవి రెండే రెండు. అవే – పతంగులు (గాలి పటాలు) & పిండి వంటలు. ఇంటికి తొలిపంట వచ్చిన వేళ రైతన్నలు తమ కుటుంబసభ్యులతో కలిసి ఆనందంగా చేసుకునే పండగే ఈ సంక్రాంతి. సంక్రాంతి పర్వదినాన ప్రతీ యేటా పల్లెల్లో గాలిపటాలు ఎగురవేయడం ఆనవాయితీగా వచ్చే ఆచారం. తర్వాత ఆ సంప్రదాయం నగరాలకు కూడా పాకింది. సంక్రాంతి పండగను పురస్కరించుకొని ప్రతీ సంవత్సరం వివిధ ప్రాంతాల్లో గాలిపటాల పోటీలు (పతంగుల పండగ) నిర్వహిస్తుంటారు. తెలంగాణ ప్రభుత్వం కూడా దాదాపు మూడేళ్ల నుండి హైదరాబాద్ వేదికగా గాలిపటాల పోటీలను, మిఠాయిల వేడుకను నిర్వహిస్తోంది.

Kite-Festival-1

వివరాల్లోకి వెళితే, తెలంగాణ ఇంటర్నేషనల్ కైట్ ఫెస్టివల్ (Telangana International Kite Festival – TIKF 2019) పేరిట సికంద్రాబాద్ ప్రాంతంలోని పరేడ్ గ్రౌండ్స్‌లో ఈ నెల 13, 14 & 15 తేదీల్లో వేడుకలు జరగనున్నాయి. ఈ కైట్స్ ఫెస్టివల్ గత మూడు సంవత్సరాల నుండి విజయవంతంగా తెలంగాణ టూరిజం (Telangana Tourism) శాఖ నిర్వహిస్తోంది. ఈ ఏడాదితో కైట్స్ ఫెస్టివల్‌ నాల్గవ సంవత్సరాన్ని పూర్తి చేయనుంది. ఇక ఈ ఫెస్టివల్‌కి కైట్స్ ప్రొఫెషనల్స్ అనేకమంది హాజరవుతున్నారు. ఇదే ఫెస్టివల్‌లో గాలిపటాల తయారీతో పాటు.. గాలిపటాలను ఎలా ఎగరవేయాలి లాంటి అంశాలపై కూడా శిక్షణ ఇవ్వనున్నారు.

సాధారణంగా ఈ వేడుకలో గాలిపటాలను ఎగరవేయడానికి ఎటువంటి ప్లాస్టిక్ లేదా మాంజా వంటివి ఉపయోగించరు. కాలుష్యానికి వ్యతిరేకంగా ఈ ఫెస్టివల్‌ని ఎకో-ఫ్రెండ్లీ వేడుకలుగా నిర్వహిస్తుంటారు. మూడురోజుల పాటు జరిగే ఈ ఫెస్టివల్‌లో ఈ సంవత్సరం “నైట్ కైట్ ఫ్లయింగ్” వేడుక ప్రత్యేక ఆకర్షణగా నిలవనుంది. రాత్రి పూట కైట్స్‌ని ఎగరేసే పద్దతిని తొలిసారిగా ఈ సంవత్సరం ప్రారంభించనున్నారు.

ADVERTISEMENT

kite-festival-telangana

ఈ వేడుకలో భాగంగా.. మూడు రోజుల పాటు ఉదయం & మధ్యాహ్నం గాలిపటాలను ఎగరవేస్తారు. అలాగే ఈ సంవత్సరం ఏర్పాటు చేసిన “నైట్ కైట్స్ ఫ్లై” వేడుకను ప్రతిరోజూ రాత్రి 6.30 నుండి 8.00 వరకు నిర్వహిస్తారు. ఈ వేడుకలకు అందరూ ఆహ్వానితులే అని తెలంగాణ ప్రభుత్వం తెలిపింది.

ఇదిలావుండగా.. కైట్స్ ఫెస్టివల్‌తో పాటుగా ఈ సంవత్సరం ఇంటర్నేషనల్ స్వీట్ ఫెస్టివల్ (International Sweets Festival)ని అనగా మిఠాయిల పండగను కూడా తెలంగాణ టూరిజం శాఖ నిర్వహిస్తోంది. ఈ స్వీట్స్ ఫెస్టివల్ ఆదివారం అనగా.. 13వ తేదీ మధ్యాహ్నం 2 గంటలకు మొదలుకానుంది. ఈ ఫెస్టివల్ కూడా మూడు రోజుల పాటు ప్రతిరోజు మధ్యాహ్నం 2 గంటల నుండి రాత్రి 9 గంటల వరకు జరగనుంది.

sweets-1

ADVERTISEMENT

ఇక ఈ స్వీట్స్ ఫెస్టివల్ కోసం దేశంలోని 25 రాష్ట్రాల నుండి రెండు రకాల స్వీట్స్ చొప్పున మొత్తం 50 స్వీట్ ఐటమ్స్ ప్రదర్శించబోతున్నారు. అలాగే వీటితో పాటు వివిధ దేశాల నుండి కూడా అనేక రకాల స్వీట్స్‌ని కూడా ప్రదర్శనలో స్థానం కల్పించబోతున్నారు. ఈ వేడుకలో పాల్గొనేందుకు చాలా మంది ఔత్సాహికులు ఇప్పటికే రిజిస్ట్రేషన్ చేసుకుని తమ చేతితో చేసిన పిండి వంటలను జనాలకు రుచి చూపించనున్నారు.

sweets2

ఇలా జనవరి 13, 14 & 15 తేదీల్లో కైట్స్ & స్వీట్స్ ఫెస్టివల్స్ భాగ్యనగర వాసులని అలరించబోతున్నాయి. ఇక ఈ ఆర్టికల్ చదివాక మీరు కూడా పండగపూట గాలిపటాలను ఎగరవేయడానికి లేదా మిఠాయిలు తినడానికి సికింద్రాబాద్‌లోని పరేడ్ గ్రౌండ్స్‌కి ఆ మూడు రోజుల్లో మీ కుటుంబంతో సహా వెళ్లి ఎంజాయ్ చేయండి.

Images: Telangana Tourism, Shutterstock

ADVERTISEMENT

ఇవి కూడా చదవండి

హైదరాబాద్‌లో క్రిస్మస్ & న్యూ ఇయర్ ‘కేక్స్’కి.. ఈ బేకరీలు ప్రత్యేకం

హైదరాబాద్‌లో న్యూ ఇయర్ పార్టీ చేసుకోవాలంటే.. ఈ 15 బెస్ట్ స్పాట్స్‌‌కి వెళ్లాల్సిందే..!

ఇరానీ ఛాయ్ – కేర్ అఫ్ హైదరాబాద్                                                                                       

ADVERTISEMENT

 

11 Jan 2019

Read More

read more articles like this
good points

Read More

read more articles like this
ADVERTISEMENT